Rreth Optika1
Optika 1 u themelua në vitin 2008, si një biznes familjar nga një mjek oftalmolog, Prof. Asc. Amarildo Belshi MD.PhD dhe bashkëshortja e tij Msc. Griseida Belshi e diplomuar në Financë e Marketing.
Si një kompani lider në fushën e optikës në Shqipëri, qëllimi ynë është të ofrojmë kujdes premium për shikimin, ekspertizën më të mirë mjekësore dhe t’i japim secilit klient eksperiencën më të këndshme dhe unike në shërbim.
Me të njëjtën filozofi të bazuar në tre parime kryesore: standarde të larta shërbimi, përdorimi i teknologjisë më të fundit dhe produkte cilësore të kujdesit të klientit, solli krijimin e partneritetit ekskluziv për Shqipërinë dhe Kosovën me kompaninë lider botërore ZEISS.
Vizioni Yne
Së bashku me ZEISS, ne nuk shesim vetëm syze por jemi dedikuar tërësisht t’ju ofrojmë një vizion më të mire klientëve tanë. Pavarësisht se çfarë diagnoze në shikim kanë klientët, ne do t’ju sugjerojmë zgjidhjet e duhura për nevojat e tyre.
Duke ofruar mijëra modele nga më shumë se 50 marka të njohura ndërkombëtare, secili klient ka mundësinë të zgjedhë një gamë të gjerë syzesh që i përshtaten çdo stili dhe buxheti. Nga markat më të njohura deri tek ato më premium, të gjithë mund të gjejnë atë që i përshtatet vërtet nevojave të tyre.
Cilësia dhe origjinaliteti i produkteve: Optika 1 tashmë ka ndërtuar emrin e saj në tregun shqiptar si zgjidhja e parë për klientët për produkte origjinale dhe kujdesin e specializuar mjekësor. Ne jemi të fokusuar në përmirësimin e shikimit të klientit duke siguruar cilësinë më të lartë në të gjitha produktet tona dhe gjithashtu duke u përkushtuar tërësisht klientëve tanë.
Optika 1 bashkëpunon me markat më të njohura në të gjithë botën si Cartier, Chopard, Linda Farrow, Anna Karin Karlsson, Celine, Gucci, Fendi, Cazal, Max Mara, Tom Ford, Vogue, Porsche Design, Versace, Armani, Hugo Boss, Ray Ban, Vogue, D&G, GUESS, Prada etj.
Bashkëpunimi me
ZEISS
Optika 1 në bashkëpunim me ZEISS që prej vitit 2015 ofron në Shqipëri përvojën 200-vjeçare në fushën e optikës të kompanisë gjermane Carl Zeiss.
Optica 1 ju ofron jo vetëm lentet (xhamat optikë) ZEISS të cilësisë më të lartë në botë, por edhe një kontroll të përpiktë shikimi me pajisje modern të ZEISS ose të aprovuara nga ZEISS dhe nga okulistë të certifikuar.
Të bësh një vizitë oftalmologjike në optikën tonë do të thotë që, përveç problemeve të shikimit si: miopia, hipermetropia, astigmatizmi etj., vizita ndihmon për të kuptuar apo evidentuar nëse syri ka probleme patologjike si katarakte, tendosje të syrit, degjenerim makular, retinopati diabetike etj.
Në Optika 1 vizita okulistike është më shumë se përkufizimi i dioptrisë sepse në çdo dyqan Optika 1 është instaluar një klinikë e mirëfilltë okulistike që na jep mundësinë të bëjmë një diagnozë të thelluar të çdo patologjie të syrit për të gjitha moshat (të rritur dhe fëmijë).
Shërbimet që ne ofrojmë
Kontroll i shikimit me dhe pa korrigjim (dioptri)
Autorefraktometër (Matja, përcaktimi i numrit me aparaturat përkatëse të standardi të lartë)
Ekzaminimi biomikroskopik: Segmenti i përparmë dhe i pasmë i syrit. Segmenti i pasmë: Fundus Oculis për të vlerësuar retinopatinë diabetike dhe hipertensive.
Tonometër (Matja e presionit të syrit)
Pajisja me precizion absolut dhe të teknologjisë së lartë në pronësi të Optika 1 në bashkëpunim me ZEISS janë një mbështetje e jashtëzakonshme për të kryer me saktësi dhe profesionalizëm çdo ekzaminim. Falë teknologjisë së avancuar, vizita okulistike zhvillohet në siguri të plotë duke ruajtur distancën fizike me pacientin gjatë gjithë kohës.
